ബെംഗളൂരു: ബിഷപ് കോട്ടൺ ബോയ്സ് സ്കൂൾ, സെന്റ് ജോൺസ് ഹൈസ്കൂൾ എന്നീ രണ്ട് സ്കൂളുകളിലെ പ്രിൻസിപ്പൽമാരെ കർണാടക സെൻട്രൽ രൂപത സസ്പെൻഡ് ചെയ്തു. നടപടിക്രമങ്ങൾ ലംഘിച്ചുവെന്ന ആരോപണത്തെ തുടർന്നാണ് നടപടിയെന്നാണ് പ്രമുഖ പത്രങ്ങൾ റിപ്പോർട് ചെയ്തത്.
റസിഡൻസി റോഡിൽ സ്ഥിതി ചെയ്യുന്ന ബിഷപ്പ് കോട്ടൺ ബോയ്സ് സ്കൂൾ നിയന്ത്രിക്കുന്നത് ചർച്ച് ഓഫ് സൗത്ത് ഇന്ത്യയുടെ കർണാടക സെൻട്രൽ രൂപതയാണ്. ബിഷപ്പ് കോട്ടൺ ബോയ്സ് സ്കൂൾ പ്രിൻസിപ്പൽ എസ് എഡ്വിൻ ക്രിസ്റ്റഫറിനെ സസ്പെൻഡ് ചെയ്തതായി രൂപതാ ബിഷപ്പും സ്കൂൾ ബോർഡ് ചെയർമാനുമായ റവ.പി.കെ.സാമുവൽ ജീവനക്കാരെ അറിയിച്ചത്.
ജൂലായ് 11-ന് സ്കൂൾ എക്സിക്യൂട്ടീവ് കമ്മിറ്റി യോഗം ചേർന്ന് വിവിധ വിഷയങ്ങൾ പരിഗണിച്ച് പ്രൊഫ. ഡോ. എസ് എഡ്വിൻ ക്രിസ്റ്റഫറിനെ പ്രിൻസിപ്പൽ സ്ഥാനത്ത് നിന്ന് ഉടൻ സസ്പെൻഡ് ചെയ്യാൻ തീരുമാനിച്ചതായി ചെയർമാൻ സ്കൂൾ സ്റ്റാഫ് അംഗങ്ങൾക്ക് അയച്ച കത്തിൽ അറിയിച്ചു. എന്തുകൊണ്ടാണ് പ്രിൻസിപ്പൽമാരെ സസ്പെൻഡ് ചെയ്തതെന്ന് വ്യക്തമായിട്ടില്ല. സസ്പെൻഷനുകൾ “ആഭ്യന്തര വിഷയമാണ്” എന്നും സസ്പെൻഡ് ചെയ്യപ്പെട്ട രണ്ട് പ്രിൻസിപ്പൽമാർക്കെതിരായ കുറ്റങ്ങളുടെ വിശദാംശങ്ങൾ അന്വേഷണം പൂർത്തിയായാൽ വെളിപ്പെടുത്തുമെന്നും ബഹുമാനപ്പെട്ട പി കെ സാമുവൽ മാധ്യമങ്ങളോട് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
